Градинката во Американското Училиште Македонија се состои од предшколска и забавишна група, и работи 12 месеци во годината. Во неа Ви нудиме подготвителна настава со врвен квалитет, што се изведува целосно на англиски јазик

Со нашето ново работно време од 08.00 до 17.00 и со извонредно осмислената програма, успешно ќе го подготвиме Вашето дете за основно образование.

Нашата предшколска група вклучува деца на возраст од четири и пет години. Тоа е идеално време Вашето дете да започне со образовниот процес. Во неа со интрерактивни задачи се фокусираме кон развивање на моторните и менталните способности неопходни за следната наставна година.

Вашето дете ќе навлезе во почетоците на читањето преку разни вежби и активности. Тие се состојат во развивање на способноста за препознавање на букви и зборови и воедно се насочени кон збогатување на речникот. Особено внимание се посветува на логичното и креативно размислување. Притоа, Вашето дете ќе научи да поврзува идеи, да гради логички низи, развивајќи ја вештината за разбирање и паметење.

Нашите добро обучени кадри целосно се оспособени за работа со деца кои немаат никакво претходно познавање на англискиот јазик.

Забавишната група вклучува деца на возраст од пет и шест години, проектирана како значајно и занимливо доживување за Вашето дете. Токму во неа детето се поттикнува и се охрабрува да учи во топла и безбедна средина. Нашите наставници се истакнуваат со извонредно успешна работа во текот на нивното десетгодишно искуство.

Во овој период, неопходно е поставување на цврста основа во изучувањето на англискиот јазик, математиката, природните и општествените науки.

Посебен акцент ставаме на изучувањето на англискиот јазик каде забележуваме високи резултати, притоа не забораваќи ја играта и забавата како составен дел од правилниот развој на секое дете

Оттука, ќе согледате дека градинката во Американското Училиште Македонија е благородно и пријатно место каде Вашето дете ќе го започне патот кој води до успешна иднина..

Школарина

Школарината во нашата градинка изнесува 200 евра месечно и се плаќа на први секој месец. Исто така, нудиме попуст од 10% доколку однапред се платат сите 12 месеци.

Доколку Вашето дете е присутно повеќе од половина месец, се плаќа целокупниот месечен износ.

Исхрана

На децата во училиштето им се нудат и појадок и ручек. Целосните менија ќе им се дадат на родителите при уписот. Цената за појадок и ручек изнесува 50 евра месечно и се плаќа на први секој месецj.