E akredituar nga CITA
Kompleksi Makoteks, Nikola Parapunov pn
Karposh IV 1000 Shkup, Maqedoni
Tel +389-2-3063-265. Fax: +389-2-3091-331
contact@asm.edu.mk
www.asm.edu.mk

Udhëzues për prindërit dhe nxënësit: Informatat mbi shkollën

Rregullat dhe qëndrimet për disiplinën e nxënësve

Për ne

American School Macedonia gjendet në një kompleks afarist afër qendrës së Shkupit, në lagje të qetë të qytetit. Duke filluar nga viti 1994, kjo shkollë është institucion i pavarur dhe jofitimprurës, i cili ofron arsim në nivel parashkollor, të foshnjores, shkollim fillor dhe të mesëm. Qëllimi kryesor i American School Macedonia është nxitja e zhvillimit intelektual dhe kulturor të nxënësve, të cilët vijnë nga mbarë bota.

Akreditimi

American School Macedonia është e akredituar nga CITA – Komisioni për akreditim ndërkombëtar dhe ndër-rajonal: www.citaschools.org dhe që nga viti 1995 është anëtare e Këshillit të kolegjeve amerikane.

Misioni i American School Macedonia

Në cilësinë e institucionit akademik, ne i inkurajojmë nxënësit tonë ta shfrytëzojnë aftësinë e tyre të plotë të të mësuarit. Ne kemi për qëllim të ndërtojmë individë të cilët do të mësojnë gjatë tërë jetës, të cilët do të jenë qytetarë të përgjegjshëm dhe produktiv, komunikues efektivë dhe me aftësi të mendimit kritik. Nxënësit janë të gatshëm për ardhmërinë vetëm në qoftë se kanë shumëllojshmëri të aftësive, dhe qasje të pjekur ndaj mësimit.

Synimet e shkollës

• Sigurimi i programit të baraspeshuar mësimor për nxënësit.
• Sigurimi i mjedisit edukativ për nxënësit, të adaptuar ndaj nevojave të tyre arsimore, interesave dhe aftësive.
• Avancimi i të të arriturave akademike të nxënësve.
• Sigurimi i përvojës për përdorimin e teknologjisë, të lidhur me mësimin.
• Nxitja e nxënësve për sfidimin e vetes, zhvillimin e ideve dhe qëndrimeve personale.

Përvoja e shkëlqyer për nxënësit ndërkomëtarë

Koha e kaluar në American School Macedonia është përvojë jetësore për të gjithë nxënësit ndërkombëtarë. Shkolla e jonë ofron arsimim të shkëlqyeshëm, me pagesë të mësimit e cila është disa herë më të ulët në krahasim me çmimet e institucioneve të ngjajshme në Amerikën veriore ose Evropë.

Nxënësit tanë kanë mundësi për: 

• Mësim gjatë orëve mësimore të cilat ligjërohen vetëm në gjuhën angleze
• Mësim në grupe të vogla klasore
• Marrje të udhëzimeve nga mësimdhënësit profesionistë dhe të kualifikuar
• Pranim në të gjitha institucionet arsimore në mbarë botën
• Përjetimin e kulturës së begatshme dhe të shumëllojshme të Maqedonisë
  

Kushtet për pranim

Kandidatët duhet t'i dorëzojnë dokumentet në vijim:

• Aplikacion të plotësuar
• Dëftesat e mëparshme
• Pasaportë me të cilën dëshmohet se nxënësi i shkollës fillore nuk është shtetas i Maqedonisë
  

Pagesa e mësimit

Tekstet shkollore i huazohen nxënësve pa pagesë.

Kuadri dhe programi mësimor

Kuadri i jonë përbëhet nga folësit me gjuhë amtare angleze, dhe maqedonasit me njohje të rrjedhshme të gjuhës angleze. Të gjitha udhëzimet jepen në gjuhën angleze, përveç në orët e gjuhëve të huaja.

Programi i jonë mësimor “i stilit amerikan” përbëhet nga lëndët e gjuhës angleze, matematikës, shkencës, lëndëve shoqërore, shkencave kompjuterike, artit, muzikës, edukatës fizike dhe gjuhëve të huaja (shkencat kompjuterike dhe gjuhët e huaja ligjerohen prej klasës së pestë). Programi mësimor i arsimit të mesëm ofron lëndë të shumëllojshme të akredituara, kurse lëndët e ofruara ndryshojnë në çdo vit, sipas nevojave të nxënësve.

Kriteret për kreditë e arsimit të mesëm

Kriteret e këtyre kredive bazohen në sistemin e zbatuar në shtetin e Kalifornisë. Semestri i plotë i secilës klasë vlen 5 kredi. Në vijim jepen lëndët të cilat janë të detyrueshme. Për ta marrur diplomën e ASM, nxënësit duhet t'i kenë marrur kreditë e detyrueshme, dhe të paktën 10 kredi fakultative. Të gjitha lëndët nuk ofrohen gjatë vitit të njëjtë shkollor, por lëndët e detyrueshme ofrohen gjatë periudhës katërvjeçare. Kreditë e transferuara nga shkollat e pranuara dhe të akredituara mund të pranohen për diplomën e ASM. ASM e mban të drejtën e mospranimit të kredive të transferuara nga shkollat tjera, veçanërisht në qoftë se ato nuk i plotësojnë kriteret e lëndëve.

Gjithsej kredi të nevojshme për diplomën e ASM: 220

(210 kredi të detyrueshme + 10 kredi për lëndët fakultative)

Kreditë e detyrueshme (210 të nevojshme)

* Vërejtje: Të gjitha katër semestrat e "Gjuhës së huaj" duhet të jenë në gjuhën e njëjtë.

Kreditë fakultative (10 të nevojshme)

Vijimi i mësimit

American School Macedonia kërkon prej të gjithë fëmijëve vijim të përditshëm të shkollës, përveç në rastet e sëmundjes. Procesi mësimor është i lidhur me mësimet e ditës paraprake, dhe për këtë arsye vijimi i rregullt i mësimit është tejet i rëndësishëm. Nuk mund të pritni që fëmijët tuaj ta përcjellin hapin e punës, përveç në qoftë se nuk e vijojnë mësimin çdo ditë.

Është tepër e rëndësishme që shprehia për vijimin e rregullt të mësimit të krijohet që në moshën e hershme. Mësimdhënësit dhe prindërit duhet të punojnë së bashku, me qëllim që fëmijët tanë të kuptojnë se shkolla është pjesë e rëndësishme e jetës së tyre. Ne presim që fëmija i juaj ta vijojë mësimin çdo ditë, dhe të mos vonohen në orët e mësimit.

Për të gjitha mungesat duhet të na informoni para fillimit të ditës së mësimit, përmes thirrjes telefonike ose shkresës nga prindëri/ kujdestari. Ju lutemi shpjegojeni arsyen e mungesës, e cila duhet të evidentohet tek ne. Ju lutemi caktoni kontrollimet mjekësore ose të dentistit para ose pas mësimit, dhe dërgoni fëmijët tuaj në shkollë madje edhe në qoftë se janë me vonesë.

Lirimi gjatë orëve të mësimit

Në qoftë se fëmija duhet të lirohet nga orët e mësimit, nevojitet informimi paraprak administrata e shkollës. Ju lutemi ejani në zyrën tonë, ku do të presë fëmija i juaj.

Mbledhjet e prindërve dhe fletët e raportimit

Mbledhjet e prindërve mbahen katër herë në vit, dhe janë një prej mënyrave më të rëndësishme për kultivimin e mjedisit të volitshëm për përparimin e nxënësit. I rekomandojmë prindërve t'i kontaktojnë mësimdhënësit për çështjet e lidhura me pr përparimin ose problemet. Në qoftë se çështjet e lartëcekura nuk zgjidhen, ju lutemi kontaktojeni drejtorin e shkollës.

Edukata fizike

Nxënësit marrin pjesë në edukatën fizike, e cila mbahet në gjimnazin e afërt. Nxënësit marrin pjesë në lojëra, aktivitete sportive dhe të fitnesit. Nevojitet pajisja adekuate (veshja sportive dhe atletet). Në aktivitetet e edukatës fizike duhet të marrin pjesë të gjithë fëmijët.

Aktivitetet jsahtëshkollore

ASM dëshiron të organizojë aktivitete të ndryshme jashtëshkollore për nxënësit tonë. Aktivitetet e ofruara varen nga interesi i nxënësve dhe prindërve. Deri tani kemi organizuar aktivitete të vallëzimit, pjesëve teatrore, orëve të muzikës, artit, mjeshtërive dhe aktiviteteve sportive.

Shërbimi i drekës

ASM i shfrytëzon shërbimet e drekës, të cilat ofrohen nga restoranti i afërt i vetëshërbimit. Dreka përbëhet nga sallata, supa dhe pjata kryesore e ofruar, si dhe sanduiçi dhe zemrat e ofruara. Nxënësit mund të ushqehen sipas programit të ofruar nga restoranti, ose ta sjellin drekën nga shtëpia.

Ndonëse secili prind duhet të vendosë për mënyrën e ushqimit të fëmijëve të tyre, ne e inkurajojmë ushqimin e shëndetshëm dhe të baraspeshuar. Në përgjithësi, nuk preferohet konsumimi i sheqerkave, ushqimit tepër të ëmbël, pijeve të gazuara dhe prodhimeve tjera ushqimore me vlerë minimale ushqyese. Do ta kishim çmuar tepër në qoftë se në pakot e ushqimit nuk i përfshini pijet e gazuara.

Gjërat e humbura dhe të gjetura

Gjërat e gjetura do të ruhen në zyrën e shkollës deri në momentin e kërkesës së tyre. Gjërat të cilat nuk kërkohen deri në fund të dhjetorit dhe qershorit do t'i jepen organizatave bëmirëse.

Telefonimi

Fëmijët mund ta shfrytëzojnë telefonin e zyrës vetëm në rastet emergjente, dhe me lejen e mësimdhënësit ose administruesit. Përdorimi i celularëve lejohet vetëm jashtë objektit shkollor, gjatë pushimit. Celularët e fëmijëve mund të lihen në zyrë në fillimin e ditës, dhe të merren në fund. Rreptësisht ndalohet posedimi i celularit gjatë orës së mësimit.

Rregullat e shkollës për disiplinë

Besojmë që rregullat e cekura janë të arsyeshme për ju dhe të dobishme për rritjen e fëmijës tuaj si qenie me përgjegjësi personale dhe shoqërore. Shkolla është diçka më tepër se leximi, shkrimi, matematika, lëndët shoqërore dhe shkencore. Në të shumtën e rasteve, në shkollë fëmijët fillojnë me zhvillimin e kuptimit të nevojave dhe dëshirave të tyre, dhe të të tjerëve. Ky është vendi ku fëmijët mësojnë të presin në rradhë, të ballafaqohen me çështjet e kuptueshme, dhe t'i zgjidhin dallimet në mënyrë të qetë. Ne në American School Macedonia jemi të përkushtuar për ofrimin e mjedisit të sigurtë, sfidues dhe përkrahës në aspektin mësimor, në të cilin fëmijët mund të mësojnë dhe të rriten.

“Disiplina është e ngjajshme me mbajtjen e kallëpit të sapunit. Në qoftë se e shtërngoni fuqishëm, ai do të rrëshqasë nga dora (rreptësia e tepërt). Në qoftë se e shtërngoni pak, ai do të bie nga dora (lejimi i tepërt). Por, në qoftë se e mbani në mënyrë të qëndrueshme por të butë, ai do ta kryejë funksionin e paraparë (trajnimi për sjellje të përgjegjshme). Ne do të jemi në përparësi të përbashkët në qoftë se kemi më tepër njerëz të përgjegjshëm.”—Gene Bedley

Rregullat e ASM-së për përditshmërinë

• Respektoni secilin nxënës dhe të rritur.
• Përdorni fjalë me të cilat të tjerët do të ndihen mirë.
• Zgjidhni dallimet në mënyrë paqësore.
• Kujdesuni për shkollën, gjërat tuaja dhe të të tjerëve.
• Trajtojeni shkollën në mënyrë të njëjtë si edhe shtëpinë tuaj.
• Mos i merrni gjërat të cilat nuk janë tuajat, ose pa lejen paraprake.
• Mos i dëmtoni gjërat e të tjerëve.
• Në qoftë se bëni ndonjë gabim, mund të përmirësoheni ditën e ardhshme.
  

Cilësitë e nxënësve të ASM-së

• Çdoherë jeni të ndershëm, madje edhe atëherë kur gaboni. Kjo është mënyra e vetme për ta fituar besimin e të tjerëve.
• Thuani jo shokut, në qoftë se e dini se do t'u sjellë probleme. Propozoni ndonjë ide tjetër, më të mirë.
• Prisni rradhën tuaj. Ndonjëherë jeni të parë, ndonjëherë të fundit, kurse mund ta gjeni veten edhe në mesin e rradhës.
• Tregoni të tjerëve se çka ju pëlqen tek ata.
• Thuani falemnderit, shumë shpesh.
• Ofrojeni ndihmën tuaj.
• Vazhdoni me përpjekjet, madje edhe atëherë kur kjo është e vështirë.
• Parashtroni shumë pyetje.
• Gjeni një ose dy shokë të cilëve mund t'i lajmëroheni për të mësuar se çka keni lëshuar gjatë mungesës tuaj.
• Çdoherë tregoni mësimdhënësit në qoftë se keni ndonjë paqartësi. Ne jemi këtu për t'u ndihmuar juve.

Dhe mos harroni të buzëqeshni dhe kënaqeni me shoqërinë tuaj në ASM!